Четири лица починале поради Ковид-19 во тетовската клиничка болница во изминатите 24 часа, информираат од ковид центарот.
Охрабрувачка вест од таму е што има повеќе пациенти пуштени дома, од новопримени.
-Во текот на изминатите 24 часа има нови седум лица кои се примени на болничко лекување, додека пуштени дома се 10 луѓе. До утринава во седум часот се бележат 112 лица вкупно, кои се лекуваат во болницата и сите се на кислородна поддршка, информира д-р Миранда Пајазити од ковид центарот.
Од друга страна се уште е висок бројот на прегледи и контроли во амбулантата на ковид центарот – за 24 часа за помош се обратиле 227 луѓе.
ПОВРЗАНИ ВЕСТИ
Во болницата во Штип од Ковид-19 почина една пациентка, на кислородна поддршка се 28 лица
МИА/Фото: МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.