Судското рочиште за „Транспортер“ се одложува за 4 март поради отсуство на обвинетиот Владимир Талески, кој за тоа доставил медицинска документација.
Судијката Добрила Кацарака, рече дека нема да прифати одложување на рочишта со секоја доставена медицинска документација и го извести бранителот дека ќе побара проверка и доколку обвинетиот можел да присуствува ќе побара итно стражарско приведување.
Случајот се наоѓа во завршна фаза, со давање на завршни зборови.
Во „Транспортер“ обвинети се поранешниот битолски градоначалник Владимир Талески и уште 20-тина лица за злоупотреба на службената положба во врска со организирањето превоз на ученици во Битола, со што е направена проневера на околу 360.000 евра.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.