Деновиве екипите од Секторот дрвореди вршат акција на отстранување и кастрење на сувите дрвја и гранки во вториот дел на Градски парк, информираат од таму.
„Дрвјата кои се отстрануваат се целосно суви и постои опасност да паднат и да предизвикаат материјална или друга штета, а оние што се за кастрење имаат суви гранки што се опасност за посетителите на паркот.
Освен што овие дрвја се суви и со надмината физиолошка зрелост, тие претставуваат опасност за ширење на габи и инсекти коишто можат да се пренесат на околната вегетација.
Акцијата ќе продолжи и во текот на наредната недела,“ се вели во соопштението, откако во јавноста се појавија информации дека во Градски парк се сечат здрави дрвја.
Фото: еМагазин.мк
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.