Пекабеско АД Скопје за периодот јануари-декември 2020 оствари позитивен финансиски резултат искажан во неревидираниот единечен Биланс на успех во износ од 107,5 милиони денари и истиот е понизок за 2,4% во споредба со претходната година, информираат од компанијата преку Македонската берза.
“Главна причина е се намалени продажби во извоз поврзано со пандемијата од Ковид-19.
Остварените вкупни приходи од работењето во периодот јануари-декември 2020 година изнесуваат 4.638 милиони денари и во споредба со остварените во истиот период во 2019 година бележат намалување од 8,1 %.
Во структурата на вкупните приходи најголемо учество од 98,4%, имаат приходите остварени со продажба на готови производи, стоки и услуги кои во споредба со остварените во 2019 година бележат намалување од 8,4%.
Приходите од извоз изнесуваат 592 милиони денари и во споредба со остварените во истиот период во 2019 се намалени за 9,7%.
Остварените вкупни расходи во периодот јануари-декември 2020 година изнесуваат 4.523 милиони денари и во споредба со остварените во истиот период во 2019 година бележат намалување од 8,4%“, велат од компанијата.
ПОВРЗАНИ ВЕСТИ
Пекабеско лани со рекордни 159 милиони денари за инвестиции
„Пекабеско“ оствари добивка од 75,4 милиони денари за девет месеци
Колкави биле примањата на Слободан Кутревски и на менаџментот на Пекабеско лани
Фото: Пекабеско