еМагазин
Image default
БЕСПАРИЦА

Пензионерите ќе добијат минимално зголемување на пензиите од 1,8 отсто заради усогласувањето

Со исплата на септемвриската пензија на почетокот на октомври ќе се изврши усогласување на пензиите за 2018 година за 1,8% кое се прави согласно со порастот на платите и трошоците на живот, информираат од Министерство за труд и социјала.

„Во износот на оваа исплата, ретроактивно ќе биде вклучено новото усогласување на пензиите од 1,8% за месеците јули и август. Тоа значи дека износот на средствата што пензионерите ќе гo добијат во октомври како септемвриска пензија ќе биде повисок во споредба со износите на исплатените пензии за месеците јули и август.

Со октомвриската пензија, пензионерите редовно ќе си добиваат усогласен износ на пензија со вклучени 1,8%, но без дополнителни разлики од претходниот период. Просечната пензија за месец септември во Република Македонија со вклучено усогласување од 1,8% изнесува 14.500 денари, а во септември 2016 година изнесувала 13.106 денари.

Ова е второ усогласување на пензиите годинава. Првото усогласување на пензиите беше направено на почетокот на 2018 година и изнесуваше 1,69%“, се вели во соопштението на Министерството за труд и социјала.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

КСС бара минималната плата да изнесува 16.000 денари

Редакција

Работат но се сиромашни: Стапката на сиромашни вработени лица изнесува девет проценти

Редакција

Катастрофални податоци за децата во државата: 28 отсто од сите деца во земјата живеат во сиромаштија

Редакција