еМагазин
Image default
Локално

Плинска боца експлодирала додека неготинец печел ракија

На неготинец му експлодирала плинска боца додека печел ракија. За среќа, повредени нема.

Информацијата за МИА ја потврди командирот на Територијалната противпожарна единица од Неготино, Иле Илиев.

Тој посочи дека во тренд е да се употребуваат плински боци како извор на енергија при печење ракија и ги повика граѓаните да внимаваат при нивното користење.

– Бидејќи е период кога масовно се пече ракија, апелираме до тиквешани да внимаваат и да нема отпаден материјал крај огништето за да се спречат евентуални пожари, изјави Илиев.

За деветте месеци од годинава, пожарникарите од Неготино имале вкупно 65 интервенции. Од нив, 27 биле на отворено и 20 во затворен простор. Се интервенирало и на пожари на 11 возила, а се гаснеле и четири контејнери. Пожарникарите извлекле и давеник од реката Вардар и интервенирале во случај со починато лице во шума.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Играле ножеви во тепачка во маркет во Скопје

Никола Осило

Од играчка-плачка: Пукајќи петарди во тенџере, дете заврши во штипската болница

Редакција

Арачиновец тепал малолетник во кругот на основното училиште

Никола Осило