Како последица од компликации од Ковид-19, во Белград почина македонскиот композитор, пејач и актер Зафир Хаџиманов, на 77-годишна возраст.
Едни од најубавите негови песни по кои ќе се памети во неговата богата и плодна кариера се: „Како Вардар“, „Љуби ме и главата горе“, Од љубов не се бега“…
Тој во 2007 година беше промовиран во почесен амбасадор на културата на Македонија во Србија.
Хаџиманов е роден во Кавадрци, но целиот свој животен век го помина во Белград во брак со една од најпознатите југословенски пејачки Сенка Велетанлиќ – Хаџиманов, со која го имаат синот Васил Хаџиманов, познат џез-музичар.
Хаџиманов зад себе остави над 5.000 записи од македонски изворни песни. Автор е на стихозбирките „Шансони на хартија“, „Азил“, „Народен пејач“, „Пес-Пејачка“ и „Брат“, објавени на македонски и на српски јазик, а има добиено и награди и признанија на фестивали за поезија и музика.
Фото: ТВ 24