Поради порно-видео кое се појави во јавноста и кружи на социјалните мрежи, босанскиот политичар Иван Бегиќ, пратеник на ПДП во градското собрание на Бања Лука, ја напушти партијата и го врати пратеничкиот мандат.
Видеото како што пренесуваат босанските медиуми, било испратено и до нив, но сите одбиле да го објават.
Тој на Фејсбук напиша дека по повеќемесечни уцени, психичко малтретирање и закани, неговото приватно видео е објавено преку странски бази од страна на неговите политички опоненти, кои го шират и на социјалните мрежи.
Објасни дека за да не го објават му барале и половина милион марки, а поради притисоците и заканите неговата здравствена состојба е влошена и во моментот е кај психијатар, зошто не се чувствува добро.
Видеото им било испратено на неговите пријатели, но и на неговите родители, чие здравје е сериозно нарушено.
Бегиќ негираше дека видеото има некаква врска со неговите соработници или некој од јавниот живот.
Фото: Фејсбук/Бегиќ