Претседателот на ВМРО-ДПМНЕ, Христијан Мицкоски во гостување во централниот дневник на телевизија Сител изјави дека во текот на преговарачкиот процес Бугарија не го затвора прашањето за македонскиот јазик.
-Пред да се случи таа вистинска меѓувладина, кога треба да се усвои преговарачката рамка, има еден дел каде што се вели воведни изјави од страна на македонската Влада и Европската комисија (ЕК), барем таму каде што стои дека двете држави ќе дадат унилатерални изјави, не знам каква унилатерална изјава ќе даде Македонија за македонскиот јазик кој што е кодифициран, стандизиран уште на третата конференција на Обединетите Нации од 1977 година во Грција. А, каква изјава ќе даде Бугарија? Зошто тоа не го кажат?
Еве и да има трета изјава, па ЕК да каже без разлика што да речеме Бугарија не го признава македонскиот јазик или има поинаков третман на истиот. Сите останати 26 членки немаат дилема дека тоа е македонски јазик, истакна Мицкоски.
Нагласи дека министерот за надворешни работи Бујар Османи на брифингот денеска изјавил дека ќе има промена на учебниците.
-Па се повикува на Самоиловото царство, итн., се повикува и на други измени кои што треба да ги претрпат учебниците за историја, а до вчера нели Протоколот не беше дел од преговарачката рамка, нели историјата не беше дел од преговарачката рамка, јазикот е чист, истакна Мицкоски.
Според него сето што го говорела власта се испоставило дека е лага.
ПОВРЗАНИ ВЕСТИ
Најчевска: Протоколот со Бугарија е страшен и понижувачки и неприфатлив
Сите детали: Објавен Протоколот кој Македонија го потпиша со Бугарија
МИА/Фото: ВМРО-ДПМНЕ