еМагазин
Image default
Бизнис

Радовишките производители на сливи бараат по пет денари обештетување од државата

Производителите на сливи од Радовишко денеска со едночасовна блокада на патот Струмица-Радовиш го искажаа своето незадоволство од немањето откуп.

Велат дека договореното со Министерството за земјоделство, шумарство и водостопанство не е испочитувано, односно оти за предадените количини сливи не добиваат кантарни белешки за да можат да добијат плус три денари за килограм.

– Бараме по пет денари за килограм обесштетување за секој производител на слива. Тоа го бараме бидејќи Владата веќе има превидено по три денари за секој предаден килограм слива и два денари за откупувачите. Но, во случај кога нема откуп, бараме овие пет денари да се исплатат на производителите на сливи за да можат да покријат барем дел од трошоците кои ги имаат за производство, изјави Станко Младеновски од Иницијативниот одбор.

Додаде дека бараат исплатата на обесштетувањето да се однесува во просек на три илјади килограми сливи од декар за секој производител.

Производителите на сливи велат дека ако не се прифатат нивните барања утре ќе продолжат со блокада на патниот правец Струмица-Радовиш во траење до три часа и секој нареден ден времетраењето на блокадата ќе се зголемува за еден час.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

КАМ продолжува да ги надградува бенефициите за своите вработени

Редакција

Поради корона вирусот: Пет илјади работници од „Дрекслмаер“ од понеделник ќе користат одмор

Редакција

„Факом“ оствари добивка од три милиони денари за три месеци

Редакција