Руското Министерство за одбрана соопшти дека повлекува дел од војниците позиционирани во непосредна близина на границата со Украина.
Како што информираше руското Министерство, некои од војниците се враќаат во своите бази по завршувањето на вежбите, но продолжуваат големите вежби низ земјата.
Засега не е познато за колку војници станува збор.
На оваа тврдење од страна на Русија реагираше Украина.
“Ќе им веруваме на наводите за руското повлекување кога тоа и ќе го видиме. Русија мора да ги повлече сите свои преостанати сили од заедничката граница на земјите“, изјави украинскиот министер за надворешни работи, Дмитро Кулеб.
Заедничката воена вежба на Русија и Белорусија пак треба да заврши на 20 февруари. Белорусија, каде се одржуваат овие вежби, исто така граничи со Украина, а истите се одвиваат во близина на границата.
Фото: Руско министерство за одбрана/Фејсбук