еМагазин
Image default
Свет ТОП СТОРИИ

Руската вакцина „Спутник V“ e ефикасна против британските, јужноафриканските и бразилските соеви на Ковид-19

Руската вакцина „Спутник V“ е ефикасна против британските, јужноафриканските и бразилските соеви на Ковид-19, изјави денеска директорот на Националниот истражувачки центар за епидемиологија и микробиологија на руското Министерство за здравство „Гамалеј“, Александар Гинцбург.

– Во однос на соевите за кои денес се дискутира, како што се британските, јужноафриканските и бразилските соеви… можеме со сигурност да кажеме дека „Спутник V“ обезбедува заштита од добро познати соеви кои во моментот се во оптек и имаат епидемиолошки потенцијал, рече Гинцбург за рускиот ТВ канал Еден.

Сепак, рускиот научник додаде дека не може да има целосна гаранција дека вакцината ќе обезбеди заштита од сите видови што можат да се појават во иднина.

Коментирајќи го сибирскиот сој САРС-КоВ-2, Гинцбург рече дека центарот „Гамалеј“ не го проучувал.

– Очигледно, нашите колеги од Роспотребнадзор (Руската федерална служба за надзор на заштитата на потрошувачите и човечката благосостојба) го проучуваа ова и се надевам дека ќе создадат филогенетски стебла кои илустрираат како овие нови мутации, овие нови соеви се поврзани со оние што веќе циркулираат меѓу нашето население, посочи Гинцбург.

МИА/Фото: МЗ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Нови 199 случаи на Ковид-19, во Скопје најмногу 157

Редакција

Пожарот кај Кокино ставен под контрола, жаришта има во месноста „Кокински дол“

Редакција

Клиника Жан Митрев се залага за еднакво бубрежно здравје за сите

Редакција