По одложен судски спор во Основниот суд во Радовиш две групи од по пет лица продолжиле да делат „правда“ со тупаници пред судската зграда, информираат од СВР-Струмица.
„Вчера околу 09:20 часот било пријавено дека пред Основен суд во Радовиш бил нарушен јавниот ред и мир со физичка пресметка помеѓу А.И.(23), А.И.(29), А.И.(44), Р.И.(42) и Е.Ј.(48), од една страна и А.Ш.(22), Н.Н.(41), Е.Н.(28), И.Н.(66) и У.Н.(17), од друга страна, сите од Радовиш“, стои во информацијата на полицијата.
Се додава дека по целосно документирање на случајот против лицата ќе биде поднесена соодветна пријава.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.