Шест нови случаи со Ковид-19 се регистрирани во Кичево. Според денеска објавените податоци од Институтот за јавно здравје, вкупниот број заразени во општината достигна 58, од кои 49 се активни, осум се излекувани и едно лице е починато.
– Новозаболените се во добра општа здраствена состојба, петмина од нив се лекуваат во домашни услови во изолација и под контрола на нивните матичните лекари, додека еден случај е во лекување во Скопје, рече доктор Станко Трпески, член на Општинскиот Кризен штаб во Кичево.
Тој апелира до граѓаните да ги почитуваат препораките за заштита, задолжително да носат маски и да не се групираат.
МИА/Фото: Општина Кичево
ПОВРЗАНИ ВЕСТИ
Уште еден заразен со Ковид-19 во Крива Паланка
Осум новозаболени од Ковид-19 во Куманово, сите од познати кластери
Детален преглед на активни случаи на корона вирусот по скопските општини