Компаниите кои треба да ја зголемат минималната плата согласно последната одлука на Владата, ги прават пресметките, колку всушност ќе ги чини зголемувањето на минималната плата од 2.175 денари, која веќе треба да ја исплатат во април.
Имено, на 2.175 денари зголемена нето-плата, зголемувањето на бруто-платата ќе биде 3.355 денари, или 5.530 денари по работник.
Минималната нето-плата сега изнесува 18.025, а бруто-платата 26.422.
Со априлската плата, овој износ ќе биде 29.777 денари бруто плата, односно 20.200 нето.
– Како што ветивме, од април минималната плата ќе биде повисока за 2.175 денари и ќе изнесува 20.175 денари. Тоа значи дека над 12 проценти имаме зголемување на основната, минимална плата. Согласно Законот за административни службеници, ќе се усогласат останатите плати за 27.000 службеници, изјави премиерот Димитар Ковачевски по седницата на Економско-социјалниот совет (ЕСС).
ПОВРЗАНИ ВЕСТИ
Минималната плата ќе почне да се исплаќа од април
Минималната плата ќе изнесува 20.175 денари