Нето добивката на Современ дом АД Прилеп лани изнесувала 15.842 илјади денари и истата е намалена за 28% споредено со претходната година кога изнесувала 22.000 илјади денари, соопшти Друштвото преку Македонската берза.
-Вкупната сеопфатна добивка за период јануари – декември 2025 година е 1.343.982 илјади денари.
Ова зголемување на сеопатната добивка се должи на фактот што со состојба 31.12.2025 година извршено е повторно мерење на објективната вредност на вложувањата во недвижности од страна на овластен проценител и разликите од претходната состојба се евидентирани во сеопфатната добивка и ревалоризационите резерви согласно МСС 16. Претходното мерење на објективната вредност е со состојба 31.12.2020 година, велат од таму.
Остварените вкупни приходи во овој период изнесуваат 100.102 илјади денари и во споредба со остварените во истиот период во 2024 година бележат намалување од 12%.
Оперативните приходи се намалени за 12%.
-Друштвото во континуитет реализира стабилни приходи од издавање на деловен простор и недвижности со тенденција значајно да ги подобрува севкупните деловни резултати преку издавање на севкупниот недвижен имот расположлив за издавање.
Финансиските приходи изнесуваат 1.246 илјади денари и се зголемени споредбено со 2024 година за 47% кога истите изнесувале 847 илјади денари, велат од таму.
Остварените вкупни расходи изнесуваат 83.452 илјади денари и во споредба со истиот период од 2024 година бележат намалување од 9%.
Оперативни расходи се намалени за 12%.
-Финансиските расходи изнесуваат 12.783 илјади денари и во споредба со 2024 година бележат зголемување за 13%, велат од таму.
ПОВРЗАНИ ВЕСТИ
Прилепски Современ дом со зголемена добивка во првото полугодие
Современ дом со раст на добивката во првите девет месеци
