Премиерот Оливер Спасовски на денешната прес конференција рече дека не чека нова радикална фаза во борба против корона вирусот, од што ќе зависи стабилноста на здравствениот систем, здравјето на здравствените работници и на економијата.
„За следните две до три недели не чека пикот на бројот на заразените кој најверојатно ќе биде од 2.000 до 2.500. Заканата е страшна и радикална, оттука и однесувањето е радикално,“ рече Спасовски, информирајќи за новата одлука на Владата за доплнителни ограничувања на движењето на граѓаните.
Според Одлуката, се забранува движењето на граѓаните на јавни места и јавни површини во групи поголеми од две лица, при што тука не се вбројуваат лицата помали од 14 години, доколку се деца на родител кој е дел од групата од двајца.
„За земјоделските активности, дозволено е движење во рамки на територијата (атарот) на селата, исклучиво за работните потреби.
Аптеките ќе работат непречено, а Министерството за здравство ќе изработи план за непречена работа и на здравствените установи.
Исклучоците од забраната за движење важат за полицијата, армијата, здравствените работници (во ЈЗУ и ПЗИ, како и матичните лекари) и за маркетите и рестораните кои вршат достава на производи, при што тие своите ангажмани ќе ги реализираат непречено,“ рече Спасовски.
Тој рече дека има разработени сценарија и има уште мерки кои Владата ги има подготвено.
„Колку сме поодоговорни, толку мерките ќе се полесни и пократко би траело ширење на вирусот, а помали ќе бидат и ефектите врз економијата,“ додаде Спасовски.
ПОВРЗАНИ ВЕСТИ
Вкупно 22: Нови 3 лица починаа од коронавирусот
Вкупно 570: Нови 15 лица заболени со коронавирусот во Македонија
Мерките почнуваат од среда: Забрана за движење од 16 часот до 5 наутро, за викенди 48 часа дома
Фото: Влада