Тетекс АД Скопје за периодот јануари-септември 2022 година оствари позитивен финансиски резултат искажан во неревидираниот единечен Биланс на успех, информираат од компанијата преку Македонската берза.
Остварената добивка за периодот изнесува 18.267 илјади денари.
-Приходите остварени од продажба на готови производи и услуги се 44.067 илјади денари, и истите се резултат од редовното работење, во што се вклучени приходи од кирии, услуги и продажба на готови производи и стоки.
За тековниот период во финансиските приходи од 28.694 илјади денари, се евидентирани приходите од примени дивиденди, а истиот период минатата година се бележат приходи од 66.513 илјади денари од примени дивиденди.
Остварените единечни вкупни расходи во периодот јануари – септември 2022 година изнесуваат 48.714 илјади денари и во споредба со истиот период во 2022 година, кога изнесувале 40.388 илјади ден, бележат зголемување за 21%“, велат од Друштвото.
ПОВРЗАНИ ВЕСТИ
Директорот на Тетекс, Бобан Гоговски купи акции во ТТК Банка
Тетекс со зголемена добивка во првите шест месеци
Бобан Гоговски назначен за директор на Тетекс
Фото: Тетекс