По денешното сведочење на лидерот на СДСМ, Зоран Заев, за случајот „Монструм“, во кое меѓудругото кажа дека ниту поседува, ниту видел докази дека поранешниот претседател на Собранието, Трајко Вељаноски е инволвиран во овој случај, на Фејсбук се огласи Вељаноски:
“Премолчував долго време, а тоа не беше воопшто лесно и едноставно за мене.
Бев цел на планирани и оркестрирани напади, базирани на класични лаги и измислувања.
Политиката во Македонија стана поле каде неморалните, лажливците и луѓето без етика најмногу успеваа во минатите неколку години.
Долги години одредени пара-структури протураа лага дека сум бил некако замешан во случајот Монструм. Ми беше тешко да молчам, но знаев и верував дека еден ден се ќе стане јасно и ќе биде чисто дека тоа беше конструирана лага за мое лично оцрнување.
Нападот против мене е ништо и е незначајно во споредба со болката на семејствата на петте прерано згаснати млади животи. Одлуката некој да си поигрува со нивните судбини и чувства е тешко бреме кое ќе остане до крајот на животот.
Не посакувам на никого да ги преживува лагите и нападите што јас ги преживеав со оваа ниска и гнасна конструкција. Луѓето што ја смислиле и пласирале со години немаат морал.
Денес кога се е јасно, јас само ќе им порачам да им стои на чест и совест. Ако имаат чест и совест, нема да им е лесно засекогаш“.
ПОВРЗАНИ ВЕСТИ
Заев: Не поседувам ниту сум видел докази за инволвираност на Вељаноски во „Монструм“
Фото: Фејсбук/Вељаноски