Во гостувањето на бугарската национална телевизија БНТ1 во Софија, градоначалникот на Куманово, Максим Димитриевски рече дека Бугарите ќе бидат запишани во македонскиот Устав без никаков проблем, но кога ќе има реципроцитет.
-Бугарите ќе бидат запишани во Уставот без никаков проблем, кога ќе има реципроцитет, кога мојата баба Бранка во Благоевград ќе може да биде Македонка, а не Бугарка.
Ќе си најдете начин барем една декларација во Парламентот ќе донесете кадешто ќе го признаете македонското малцинство, рече тој.
Димитриевски потенцираше и дека Бугарите мора да признаат еден непобитен факт, а тоа е дека Македонецот постои и не може да велат дека тие настанале после 1946 година.
Тој посочи и дека во периодот 1941-1944 година Бугарија е составен дел на фашистичката коалиција и за тоа постојат документи, а официјална Бугарија никогаш не се извинила.
-Во мојот град нема да се тргаат натписите на спомен плочите кадешто пишува бугарски фашистички окупатор, затоа што и тој бил окупатор, не бил администратор. Значи, нас не окупира.
Ако се сеќавате во периодот на окупација, доаѓаат бугарските војска и полиција во Македонија, тоа е свежа историја, ги чекаат на одредени места и градови со леб, сол и погача. Ја делат Македонија до Групчин и тоа ја потврдува желбата за чиста окупација и припојување на територија, рече Димитриевски.
Фото: Димитриевски/Фејсбук/видео: БНТ1