Директорот на Бирото за метрологија, Авдуљ Селам Селами, кадар на ДУИ, денеска на Светскиот ден на метрологијата во своето обраќање самиот сподели дека до пред некое време мислел дека метрологијата е наука за времето и временската прогноза.
-Метрологијата е наука за мерењата, метрологијата нема врска со временска прогноза во која што и јас, очигледно да Ви кажам, до пред некое време грешев, мислев дека е наука за времето, рече Селами.
Тој е дипломиран правик, бил инспектор во Управата за јавни приходи (УЈП), заменик директор на Агенција за финансиска поддршка на земјоделието и рурален развој, заменик директор на УЈП, а бил и член на Управен одбор на Универзитетска клиника за невролоија и член на Управен одбор на ЈП „Улици и патишта“- Скопје.
Видео: МИА/Фото: Министерство за економија