При вчерашното обраќање на украинскиот претседател Володимир Зеленски во грчкиот Парламент, на грчките пратеници преку видео кое го пушти Зеленски им се обрати и член на контраверзниот украински батаљон, Азов, пренесува дописникот на еМагазин од Солун.
ПОВРЗАНИ ВЕСТИ
Станува збор за етнички Грк, кој се престави како Михаил и кој во своето обраќање рече дека бил член на контроверзниот Азов, кој го бранел Мариупол.
„Ви зборувам како човек со грчко потекло. Јас се викам Михаил. Мојот дедо се борел против нацистите во Втората светска војна. Роден сум во Мариупол и сега исто така се борам да го одбранам мојот град од руските нацисти“, рече тој.
Лидерот на СИРИЗА, Алексис Ципрас остро реагираше што на член на Азов му е дозволено да се обрати во грчкиот Парламент.
Η ομιλία μελών του νεοναζιστικού Τάγματος Αζόφ στη Βουλή των Ελλήνων αποτελεί πρόκληση.
Την απόλυτη ευθύνη φέρει ο ΠΘ.
Μίλησε για ιστορική ημέρα αλλά είναι ιστορική ντροπή.
Η αλληλεγγύη στον ουκρανικό λαό είναι δεδομένη.
Οι ναζί όμως δεν μπορεί να έχουν το λόγο στη Βουλή.— Αλέξης Τσίπρας – Alexis Tsipras (@atsipras) April 7, 2022
„Солидарноста со украинскиот народ е дадена. Но, не може да се дозволи нацистите да зборуваат во Парламентот“, напиша Ципрас на Твитер, додавајќи дека „говорот беше провокација“, и дека грчкиот премиер Киријакос Мицотакис „сноси целосна одговорност“ за овој ден на „историски срам“.
Преку соопштение реагираше и Комунистичката партија, во кое праша зошто грчките пратеници не биле информирани дека во Парламентот ќе се обрати и припадник на Азов.
Јанис Иконому, портпаролот на грчката Влада изјави дека обраќањето на припадникот на Азов било несодветно, но не кажа кој ќе одговара.
Видео/фото: Собраниски канал/емагазин.мк