Грчкиот премиер Киријакос Мицотакис повторно е на удар на јавноста откако викендов присуствуваше на ручек на островот Икарија на кој имало околу 30 лица, а истиот бил организиран од пратеникот од неговата партија, Нова Демократија, Христодулос Стефанадис.
Социјалните мрежи се преполни со негативни коментари, а од опозициските СИРИЗА и Движење на промена, посочија дека станува збор за провокативно однесување, ароганција на Владата и за прекршување на мерките.
Стефанидис, пак во соопштение вели дека го поканил премиерот на непланиран и краток ручек, согласно мерките и протоколите, во надворешниот дел, со употреба на маски и ограничен број луѓе на масите.
Мицотакис по втор пат е на мета поради непочитување на мерките за заштита од Ковид-19.
Во декември лани на социјалните мрежи беа објавени фотографии од него додека вози велосипед на планина во близина на Атина, со што не ја испочитува мерката за забрана за движење, а плус и се фотографирал со неколку лица, а никој од нив не носел маска, со што ја прекрши и оваа мерка.
Фото: Фејсбук/Мицотакис/видео: News247gr