еМагазин
Image default
Забава ТОП СТОРИИ

(Видео) Ламбе Алабаковски со „Оган да го гори“, прва песна од проектот „Македонијо во срце те носиме“

„Оган да го гори“ во изведба на Ламбе Алабаковски е првата од предвидените дванаесет нумери што јавноста ќе има можност да ги чуе како дел од проектот „Македонијо во срце те носиме“. 

„Оган да го гори“ е песна со потписите на две фолк легенди Војо Стојаноски, како автор на музиката, и Гоце Николовски, кој го потпишува текстот. Аранжманот е на Николче Мицевски, кој со огромна одговорност застана пред предизвикот да напише нови аранжмани за сите 12 композиции.

„Гоце Николовски е мојот омилен пејач и од детството имав желба да препеам некоја негова песна, со овој проект оваа моја, дамнешна желба конечно станува реалност. Горд сум што сум дел од „Македонијо во срце те носиме“, горд сум што ја отпеав „Оган да го гори“,“ вели Ламбе.

Зад видеото, како и комплетната реализација на проектот, во чии рамки се преработени меѓу најубавите македонски патриотски песни, стои Скендеровски продукција.

„Идејата за реализацијата на проектот во кој на едно место се собрани 12 песни, 12 изведувачи, а со единствена цел – во овие турбулентни времиња кога често сме негирани како народ кој има своја историја, свое творештво, песни во кои се крие вистината на нашата земја – е да се возобноват најубавите македонски патриотски песни, да им се продолжи векот и да ги приближиме до младите генерации,“ велат од проектот „Македонијо во срце те носиме“.

Освен Ламбе меѓу изведувачите се и Наум Петрески, Сузана Спасовска, Миле Кузмановски, Бојана Скендеровски, ДНК, Огнен Здравковски, Андријана Јаневска, Александар Тарабунов, Мина Блажев, Марија Спасовска, Зуица Лазова, а на списокот песни се „Заветна“, „Налеј, налеј“, „Народе македонски“, „Едно име имаме“, „Земјо македонска“, „Ој, Вардаре“, „Оган да го гори“, „Послушајте патриоти“, „Ми заплакало село Ваташа“ …

Во склоп на проектот наесен планиран е и концертен караван кој под истото име ќе ја обои Македонија во најубавите звуци.

Фото: Фејсбук/Алабаковски

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Апелација одлучи: Мијалков излегува од Шутка, оди во домашен притвор

Редакција

Данска по трет пат светски првак во ракомет

Редакција

48,3% од заболените со Ковид-19 во Македонија имале контакт со потврден случај

Редакција