Министерот за внатрешни работи, Оливер Спасовски на Фејсбук им одаде признание на македонските полицајци за вчерашната безбедносна организација на чествувањето на роденденот на Гоце Делчев во Скопје и на граничните премини со Бугарија.
-Дозволете да оддадам признание и да упатам честитки за професионализмот и посветеноста од страна на сите организациони единици при МВР при исклучително добро реализираниот оперативен план во делот на одржување на безбедноста при чествувањето на денот на раѓањето на Гоце Делчев.
Како пред гробот на великанот Делчев кај црквата „Свети Спас”, така и на граничните премини, македонската полиција на висина на задачата успешно го спроведе овој настан од највисок безбедносен степен – еклатантен пример за тоа како постапува полиција од европски ранг.
Благодарност и до граѓаните, медиумите и медиумските работници кои имаа разбирање и на најпрофесионален начин дадоа свој придонес за навистина достоинствено чествување на великанот Гоце Делчев.
И секако како што и претходно нагласив: македонската полиција нема да дозволи понижување на македонскиот народ!, напиша тој.
ПОВРЗАНИ ВЕСТИ
Видео од инцидентот на Бугарите со полицајците на Деве Баир
(Видео) Бугарски пратеник се обиде да исценира инцидент на Деве Баир
Фото: МВР