Турската полиција објави видео од апсењето на жена, која се води како главен осомничен за терористичкиот напад во Истанбул во кој загинаа најмалку шест лица, а повредени се 81 лице.
Taksim istiklal caddesine bombayı bırakan kadın terörist yakalandı. İşte yakalanma anı… #SonDakika #taksimpatlama #taksim #istiklalcaddesi pic.twitter.com/BrRD5A5RPr
— İsmail Umut Arabacı (@ismailumut) November 14, 2022
Терористичкиот напад во Истанбул, го извршила жена, соопшти турскиот потпретседател Фуат Октај.
„Бомбата ја активирала жена“, рече тој.
Станува збор за Ахлам Албашир, државјанка на Сирија.
“Лицето кое го изврши нападот, сириската државјанка Ахлам Албашир, беше фатена жива. При сослушувањето, таа призна дека била обучена како специјален разузнавач од терористичката организација ПКК/ПИД/ИПГ и дека илегално влегла во Турција преку Африн-Идлиб за да ја спроведе акцијата“, соопшти полицијата.
Turkish media publish the photos showing the arrest of Istanbul bomber pic.twitter.com/WDRklpdjYs
— Ragıp Soylu (@ragipsoylu) November 14, 2022
Според министер за внатрешни работи Сулејман Сојлу првите наоди од истрагата укажуваат дека за смртоносниот напад се одговорни курдските екстремисти.
Сојлу рече дека во врска со експлозијата се приведени уште 45 лица и потврди дека првите наоди од истрагата упатуваат на ПКК и нејзиниот огранок во Сирија, ПИД.
Фото/видео: Твитер/турско МВР