Вишото јавно обвинителство од Скопје побарало од Апелацискиот суд да ја отфрли жалбата на колегите од Основното јавно обвинителство и да ја потврди ослободителната пресуда за Сашо Мијалков и Алфите обвинети во предметот „Тортура“, кој се однесува за мачење и друго сурово, нечовечко или понижувачко постапување и казнување, при апсењето на Љубе Бошкоски, објави А1он.
Мијалков и Алфите добија ослободителни пресуди од првостепениот суд со образложение дека обвинителот Љубомир Лапе не докажал надвор од основано сомнение дека тие се виновни за делото. На пресудата жалба до Апелација поднесе обвинителот Лапе, по што било побарано мислење и од повисокото обвинителство.
Како што за А1он потврдиле од Обвинителството, од страна на Вишото јавно обвинителство било испратено официјално мислење до Апелација, кое директно оди против колегите од Основното обвинителство, односно се бара нивната жалба да се одбие како неоснована.
Фото: МИА