еМагазин
Image default
Македонија

Влада: Неработниот ден за посетата на Папата Франциск ќе се одработи на 8 јуни

На вчерашната седница Владата донесе заклучок 7 мај, кој беше прогласен за неработен ден заради посетата на Папата Франциск, да биде одработен на 8 јуни.

„Оваа одлука се однесува на основните и средните училишта на територијата на Град Скопје кои го немаат одработено овој ден во претходниот период, како и за детските градинки и здравствените установи на територијата на Град Скопје, кои од Министерството за труд и социјална политика и Министерството за здравство ќе добијат планови за работењето во овие дејности.

Со оваа одлука, Владата му препорачува и на приватниот сектор на територијата на Град Скопје, да ја спроведе оваа одлука овој ден да биде работен и за вработените во овој сектор доколку претходната препорака на Владата за 7 мај да биде неработен ден била спроведена од страна на приватниот сектор“, информираат од Владата.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Рускоска на судењето за „Рекет“ на Јанева и кажа дека згрешила од алчност

Редакција

Кирацовски: Не знам кој е Кики, вие мислите дали станува збор за мене?

Редакција

ОН го доби писмото за новото име Република Северна Македонија: На ред Советот за безбедност

Никола Осило