Во периодот јануари-декември 2022 година во Алкалоид АД Скопје се реализирани 187 нови вработувања во Македонија, информираат од компанијата преку Македонската берза.
-Со одлука на Управниот одбор на Алкалоид, во март 2022 година е одобрен и исплатен регрес за користење годишен одмор за вработените во компанијата во висина од нето износ од 30.000 денари.
Во декември 2022 година, Управниот одбор по повод новогодишните и божиќни празници, одобри исплата на новогодишен надоместок за вработените во нето износ од 31.000 денари.
Групацијата Алкалоид брои 2.617 вработени, од кои 2.019 се во земјата, а 598 се вработени во подружниците во странство, велат од таму.
Вкупните инвестиции во основни средства во периодот јануари-септември 2022 година изнесуваат 1.474.213 илјади денари и во споредба со остварените во истиот период во 2021 година бележат раст од 24%.
ПОВРЗАНИ ВЕСТИ
Алкалоид лани со раст на приходите од 16% и на добивката од 12%
Фото: Алкалоид