Забраната за влез и излез од Дебар и Центар Жупа остави заглавени стотина лица, главно од гостварскиот регион и подрачјето на Река,општина Маврово и Ростуше.
Станува збор, главно за занаетчиски работници – монтери, но и лица кои биле во посета на свои роднини пријатели.
„Дел од нив ноќта ја минаа кај своите роднини и пријатели, а дел беа сместени во хотелски капацитети. За сите нив треба да помине потребната процедура“, велат од Оперативниот штаб на Дебар.
Инаку, во текот на ноќта повторно е извршена дезинфекција на деловите на градот, кои се жаришта на вирусот, а редовно се мијат улиците низ градот.
Од вчера попладне поставени се полициски пунктови на излезот кон Маврово и кон Струга, односно кај месноста Бошков Мост и кај Хидроелектраната „Шпилје“, потоа на Мелнички Мост на влезот кон Центар Жупа и кај ХЕ „Глобочица“ на излезот од оваа општина кон Струга.
„Поради состојбата со корона вирусот и мерките кои важат за општините Дебар и Центар Жупа поставена е полициска контролна барикада пред Бошков Мост што значи дека не смее да се оди за Дебар како и за селата Лазарополе, Гари, Тресонче и другите села од тоа место“, информираше градоначалникот на општина Маврово Ростуше, Медат Куртовски преку својот профил на Фејсбук.
МИА/Фото: Општина Дебар
ПОВРЗАНИ ВЕСТИ
(Фото) Дебарскот пазар без пазарџии и купувачи, движењето намалено на минимум и во Центар Жупа
Спасовски: На граѓаните во Дебар и Центар Жупа нема да им фали ништо, без паника
(Фото) Оперативниот Општински штаб од Дебар држеше седница со маски
Шест лица од Дебар и еден странец во Битола се тестираат за корона вирусот