Неофицијално за поткуп од околу 50 илјади евра, синоќа е уапсен актуелниот директор на Државниот инспекторат за земјоделство, Васе Анакиев, јавија повеќе медиуми.
Тој неофицијално е фатен при примање поткуп, во акција на Министерството за внатрешни работи (МВР) и Основното јавно обвинителство за гонење организиран криминал и корупција (ОЈО ГОКК).
Акцијата ја потврдија од ОЈО ГОКК, од каде посочија дека истата е за кривични дела од коруптивна природа.
Анакиев е потпретседател на Социјалистичката партија на Македонија (СПМ), а в.д. директор на Државниот инспекторат за земјоделство е од јули 2024 година.
ПОВРЗАНИ ВЕСТИ
