Пратеникот и член на Извршниот комитет на ВМРО-ДПМНЕ, Антонијо Милошоски на денешната прес-конференција му порача на премиерот Зоран Заев и на неговите најблиски соработници, Венко Филипче и Оливер Спасовски да обезбедат мирна транзиција на власта.
– Времето на Зоран Заев помина и што ќе се случува во СДСМ нас не не интересира, тоа е нивна работа, но што ќе се случува во Собранието ќе види Заев уште во текот на утрешниот ден кога на Владата на Заев која е во оставка ќе и биде изгласана недоверба, рече Милошоски.
Затоа, како што истакна тој, му порачуваме на Заев премиерот во заминување и на неговите најблиски соработници Филипче и Оливер Спасовски да се спремат за мирна транзиција на власта, испорачувањето на недовербата на Владата и формирањето на ново собраниско мнозинство и нова влада која што ќе нуди решенија за проблемите кои што ги создадоа Заев, Филипче и Спасовски.
-Сметам дека доаѓа време за одговорност за сите нивни злоупотреби, доаѓа време за нов почеток, за поспособни луѓе, за нова Влада и за ново парламентарно мнозинство, додаде Милошоски.
МИА/Фото: Фејсбук/Милошоски