Градоначалникот на Охрид, Константин Георгиески по повод вчера усвоениот Закон за легализирање дивоградби појасни дека станува збор за правен акт со кој се уредува правниот статус на бесправно изградени објекти, но истиот не важи за спорни објекти во рамки на Охридскиот регион.
Според Георгиески, Законот не ги опфаќа дивоградбите кои го нарушуваат природното и културното наследство запишано во Списокот на светското природно и културно наследство, како и дивоизградени станбени згради и дивоизградени доградби и надградби на станбени згради.
Георгиески на својот Фејсбук-профил најави дека Општина Охрид продолжува со активностите за отстранување на бесправните објекти од крајбрежјето на Охридското Езеро согласно препораките на УНЕСКО.
ПОВРЗАНИ ВЕСТИ