Изутрина жители на селото Оризаре упаднаа во објектот на ЕВН во Куманово, откако претходно жители на Слупчане уништувајќи трансформатори, оставија без струја шест села во липковскиот регион.
ПОВРЗАНИ ВЕСТИ
Жители на Слупчане уништија трафостаници и оставија без струја шест села
Од компанијата информираа дека вработените ги напуштиле работните места од безбедносни причини и непостоење на услови за работа и посочија дека корисничко енерго центар на ЕВН Куманово нема да работи сè додека не се создадат услови за нормално одвивање на работата.
Селата Слупчане и Оризари се уште се без напојување со електрична енергија, соопштија од компанијата.
Од таму велат дека се додека не се создадат нормални услови за работа и се загарантира сигурноста на вработените на Електродистрибуција, нема да работат на санација на дефекти или да извршуваат редовни работни активности во овие села.
Како што велат, екипите на Електродистрибуција работеле цела ноќ на санација на дефекти при што е нормализирано снабдувањето со електрична енергија на селата Ваксинце, Алешевце, Руница, Извор и Белановце.
–Во текот на ноќта беше предизвикан нов дефект, исто така од мештаните на Слупчане, кој ги остави без струја селата Матејче, Виштица и Никуштак. Овој дефект е саниран и снабдувањето е нормализирано и во овие села. Дефектот на граничниот премин Табановце беше саниран вчера за кратко време, велат од компанијата.
Според податоците на компанијата загубите во Слупчане се 80 проценти а наплатата е 20 отсто.
ПОВРЗАНИ ВЕСТИ