Од Слободен печат ги известуваат читателите дека главниот и одговорен уредник на печатеното издание на Слободен печат, Бранко Героски поднесе оставка на функцијата што ја обавуваше до денеска.
„Му се заблагодаруваме на г-динот Героски на досегашната работа и неговиот огромен придонес во создавањето на весникот и негоовото етаблирање кај читателската публика. Неспорен е фактот дека Героски заедно со неколку други личности е покренувач на денес најтиражниот дневен весник во Република Северна Македонија.
Што се однесува до наводите во оставката на г-динот Бранко Героски, се согласуваме со констатацијата дека постоеле одредени разлики, но според нас тоа беа разлики кои имаа импакт во доменот на бизнис стратегијата з натамошен развој на одредени сегменти на компанијата Слободен печат.
Инаку кога станува збор за автономноста на уредувачкиот избор на теми и програмска политика, тие секогаш биле и ќе бидат исклучиво право но и голема одговорност на секој главен и одговорен уредник на весникот.
Слободен печат нема да отстапи од својот курс во определбите да биде критичен кон сите општествени девијации, а во духот на независен, слободоумен и стилски високо квалитетен дневен весник со демократска определба.
На крајот да информираме дека Бранко Героски и натаму останува вработен во компанијата Слободен печат со сите привилегии и бенефиции кои ги уживаше и досега.
Воедно ја известуваме читателската јавност дека на функцијата главен и одговорен уредник на печатеното издание на Слободен печат од денес е именуван досегашниот заменик главен и одговрен уредник г-динот Злате Лозановски на кого му посакуваме успешна работа“, велат од Слободен печат.
ПОВРЗАНИ ВЕСТИ
ЗНМ: Од „Слободен печат“ да ги разјаснат причините за изнудената оставка на Героски
Бранко Героски поднесе оставка на позицијата главен и одговорен уредник на „Слободен печат“
Фото: Фејсбук/Слободен печат