Податоци на Народната банка покажуваат дека каматната стапка на вкупните кредити на домаќинствата, во јули, изнесува 5,67 проценти, што претставува месечен раст од 0,01 процентен поен.
Вкупните депозити на домаќинствата се со каматна стапка од 1,89 проценти со месечно зголемување од 0,05 процентни поени.
Просечната каматна стапка на вкупните кредити изнесува 5,46 проценти и бележи месечен и годишен пад од 0,01 проценен поен и 0,03 процентни поени, соодветно, додека просечната каматна стапка на вкупните депозити на месечно и годишно има зголемување од 0,05 процентни поени и 0,43 процентни поени, соодветно и изнесува 1,93 порценти.
Просечната каматна стапка на новоодобрените кредити изнесува 5,12 проценти и на месечна основа е зголемена за 0,04 процентни поени, при годишно намалување од 0,45 процентни поени.
Просечната каматна стапка на новопримените депозити изнесува 2,76 проценти и е зголемена за 0,24 процентни поени на месечно ниво, при годишен раст од 0,55 процентни поени.
Просечната каматна стапка на вкупните кредити на корпоративниот сектор се со месечен пад од 0,03 процентни поени и изнесува 5,23 проценти.
Каматната стапка на новопримените депозити на корпоративниот сектор е зголемена за 0,64 процентни поени и изнесува 3,03 проценти.
Фото: Унсплеш