Детската болница Козле прерасна во Универзитетска клиника за респираторни заболувања кај децата по донесената одлука од Владата.
Со прераснувањето во универзитетска Клиника, оваа установа се зајакнува како наставно-научна база во рамки на која врвен стручен кадар ќе го пренесува своето знаење и искуство на помладите специјализанти и студенти.
Универзитетската клиника Козле како установа постои веќе 72 години и претставува единствен центар на Балканот кој третира исклучиво респираторни заболувања, односно заболувања на дишните патишта кај децата.
На годишно ниво овде се вршат над 35 илјади амбулантски прегледи и над 4 илјади хоспитализации на деца со респираторни заболувања, а стручниот кадар опфаќа 55 доктори специјалисти и супспецијалисти од над 200 здравствени работници.
Фото: МЗ