Истрагата на Основното јавно обвинителство за гонење на организиран криминал и корупција, која се однесува за злоупотреба при набавка на мазут со сомнителен квалитет и потекло за ТЕЦ Неготино, но и перење пари, е во фокусот на јавноста.
ПОВРЗАНИ ВЕСТИ
Досега со оваа истрага се опфатени 13 лица и едно правно лице, а сопствениците на “РКМ“, Ратко Капушевски и Ерџан Сулкоски. како и Адриан Муча, поранешен директор на сектор во државната Електрани на Северна Македонија (ЕСМ), добија 30-дневен притвор.
ПОВРЗАНИ ВЕСТИ
Капушевски во притвор, Јахоски во домашен притвор
Сопственикот на „Пуцко петрол„, Асмир Јахоски, пак доби домашен притвор, а уште седум лица, меѓу кои и поранешниот директор на ЕСМ, Васко Ковачевски, кој е во бегство, добија мерки на претпазливост.
Од Министерството за внатрешни работи (МВР) пак вчера информираа дека во акцијата поврзана со истрагата, при претреси на неколку локации низ Македонија, се пронајдени и се одземени документација, пет мобилни телефонски апарати, три патнички моторни возила, но и околу 1.500 парчиња муниција од различен калибар и два пиштоли.
ПОВРЗАНИ ВЕСТИ
Детали од МВР за апсењето на Капушевски и Јаоски: Запленето и оружје
Засега нема официјална информација каде е најдено оружјето, а порталот Нетпрес вчера објави дека при претресот во домот и канцелариите на Јахоски, е пронајден сеф со оружје и кеш пари.
Порталот исто така објави дека таткото на Јахоски, Исмаил Јахоски, пратеник на ДУИ, одбивал да ги отвори вратите од службените канцеларии, одбивајќи ги наредбите на полицијата и повикувајќи се пратеничкиот имунитет.
Додека тимот на полицијата се подготвувал да влезе за да го спроведе претресот, тој се обидел прв да дојде до одредена документација и електронски уреди кои можат да го поврзат со спорните набавки.
Нема официјална потврда за овие информации.
ПОВРЗАНИ ВЕСТИ
Кои други лица освен Капушевски, Јаоски и Ковачевски се опфатени со истрагата за отровниот мазут
И Васко Ковачевски е опфатен во истрагата во која беа приведени Капушевски и Јаоски