Повеќе медиуми објавија како ќе изгледа распоредот на министерства во новата влада, која ќе ја сочинуваат ВМРО-ДПМНЕ и коалицијата „Твоја Македонија“, коалицијата на албанските опозициски партии, „Вреди„ и ЗНАМ – За наша Македонија.
Кадри на ВМРО-ДПМНЕ и коалицијата ќе раководат со Министерствата за внатрешни работи, Министерствотоза финансии, Министерството за транспорт и врски, Министерството за образование и наука, Министерството за култура, Министерството за надворешни работи, Министерството за земјоделства, шумарство и водостопанство, Министерството за локална самоуправа, Министерството за одбрана, Министерството за енергетика, кое допрва треба да се формира, Министерството за политички систем и односи меѓу заедниците.
Кадари пак на „Вреди“ ќе ги водат Министерството за животна средина и просторно планирање (министерот истовремено ќе биде и вицепремиер), Министерството за здравство, Министерството за социјална политика, демографија и млади, Министерството за економија и труд, Секторот за евроинтеграции и министерство без ресор задолжено за добро владеење и транспарентност.
Коалицијата „Вреди„ ќе го добие и местото претседател на Собранието.
ЗНАМ ќе го добие Министерство за правда и новото Министерство за администрација.