МЗТ Пумпи АД Скопје лани остварила бруто добивка пред оданочување од 4.911 илјади денари, односно нето добивка по оданочување од 3.993 илјади денари, информираа од таму преку Македонската берза.
-Во пресметковниот период јануари – декември од деловната 2024 година остварени се оперативни приходи во износ од 120.504 илјади денари кои бележат намалување за 41 % во однос на истиот пресметковен период од минатата година.
Во структурата на оперативните приходи, приходите од продажба на домашен пазар бележат намалување од 55% во споредба со истиот период од минатата година, додека приходите од продажба на странскиот пазар бележат зголемување од 3% во споредба со истиот период од минатата година.
Вкупните оперативни расходи во 2024 година изнесуваат 114.414 илјади денари, кои бележат зголемување за 42% во однос на истиот период од минатата година, што се должи на намалениот обем на производство и намалениот обем на работа.
Промената на вредноста на залихите во пресметковен период од деловната година како разлика помеѓу вредноста на залихите на почетокот и на крајот на пресметковниот период, генерира приходна ставка во износ од 3.523 илјади денари и Друштвото оствари оперативна добивка во износ од 9.613 илјади денари
Финансиските приходи во пресметковниот период од деловната година 2024 година се зголемени од финансиските приходи во пресметковниот период на минатата година речиси за 9%.
Финансиските расходи во пресметковниот период од деловната година се поголеми од финансиските приходи од деловната година во износ од 4.762 илјади денари, што ја намалува оперативната добивка и друштвото оствари добивка од редовно работење на износ од 4.911 илјади денари, велат од таму.
ПОВРЗАНИ ВЕСТИ
Водостопанство склучи договор со МЗТ пумпи вреден 981 илјади евра