Сите кандидати за претседател на Македонија, освен кандидатот на ГРОМ и градоначалник на скопски Карпош, Стевчо Јакимовски, денеска во просториите на Државната изборна комисија го потпишаа Кондексот за фер и демократски избори.
Со потпишувањето тие се обрзаа на почитување на изборните закони, правила и прописи, како и владеењето на правото при организирање и спроведување на изборите.
Јакимовски пак изјави дека е незадоволен, бидејќи нема да има предизборни мастер дебати, како што предложи актуелниот претседател, Стево Пендаровски, кој е во трка за нов мандат.
Дебатите се откажани бидејќи немало услови за нивно одржување.
-Кодексот ќе го почитувам, но ако немаме дебати нема да го потпишам, изјави тој и посочи дека одредени кандидати се максимално фаворизирани, земајќи големи средства.
Фото: Кабинет на претседателот