Скопје утре и задутре ќе биде под посебен сообраќаен режим имајќи го предвид одржувањето на Советот на ОБСЕ.
Од ТАВ Македонија информираат дека авиосообраќајот ќе се одвива регуларно, но патниците треба да имаат предвид, како на време да стигнат на аеродром.
„ТАВ Македонија известува дека авиосообраќајот на Меѓународниот аеродром Скопје во следните неколку дена – 29 ноември, 30 ноември и 1. декември, за време на одржувањето на 30. Министерски совет на ОБСЕ во Скопје, ќе се одвива регуларно, но притоа апелира до патниците да ги следат насоките и известувањата на Министерството за внатрешни работи во врска со сообраќајниот режим низ градот Скопје, со цел да бидат во можност да пристигнат на своите летови, односно на аеродромот навреме,“ се вели во соопштението.
Фото: ТАВ