Беран Алији, главниот осомничен за планирање терористички напади во Виена, ретко доаѓал во Гостивар

Беран Алији, 19-годишното момче, кое е главниот осомничен за планирање терористички напади на концерт на американската пејачка Тејлор Свифт во Виена, Австрија, ретко доаѓал во Гостивар, од каде се неговите родители, пренесува хрватскиот портал „24сата.хр“.

ПОВРЗАНИ ВЕСТИ

Што сѐ се знае за планираните напади на концерт на Свифт, за кои првоосомничен е момче по потекло од Гостивар

Имал прекар Мухамед, а во Македонија бил кога бил мал. Роден е во Виена.

ПОВРЗАНИ ВЕСТИ

Објавена фотографија од Беран Алији по потекло од Гостивар, првоосомничениот за планирање терористички напад на концерт на Свифт

Соседите за порталот го опишуваат како мирно и воздржано дете, кое не правело проблеми.

-Доаѓаше овде и порано, но не го паметиме многу добро. Неговите родители не се некакви верски фанатици, навистина не знаеме што се случило, велат соседите, кои посочуваат дека неговите родители биле религиозни, но ни случајно вака радикални.

-Станува збор за традиционално семејство. Мислиме дека не ни живеел со своите родители. Фала му на Бога што не успеа во своите намери, ќе беше катастрофа.

Не знаеме што имало во главата на тоа дете, за да се одлучи за такво нешто, велат соседи на семејството, кои посочуваат дека тој не се радикализирал во Гостивар.

Неговото минато по барање на австриските власти го истражува и македонското Министерство за внатрешни работи.

ПОВРЗАНИ ВЕСТИ

Македонското МВР го проверува минатото на Беран Алији, главниот осомничен за планирање на терористички напад на концерт на Тејлор Свифт

(Видео) Веста за можниот терористички напад на концерт на Свифт, за кој главниот осомничен е по потекло од Македонија го обиколи светот