Движењето ЗНАМ – За наша Македонија и ВМРО-ДПМНЕ и официјално започнаа преговори за коалицирање. Денеска имало средба помеѓу работните групи на двете партии.
„На средбата беше дискутирано за различни стратешки цели, политички принципи и политичка платформа за соработка меѓу двете групи. Движењето ЗНАМ – За наша Македонија, ги истакна своите идеолошки столбови кои се фокусираат на претворање на Македонија во модерна, демократска, европска држава. Овие столбови се засноваат на илинденските и асномските вредности, со цел достоинствена интеграција во Европската Унија.
За време на дискусиите, претставниците на Движењето ЗНАМ инсистираа нивните определби и програмата за парламентарните избори насловена „Проглас за достоинствена Македонија“ да бидат вградени во идната владина програма. Оваа програма има за цел да ги одрази нивните основни вредности и стратешки цели за развој на земјата,“ информираа од ЗНАМ.
Фото: ЗНАМ