Минатиот месец во Македонија имало дури 765 пожари, бројка која е историски рекордна.
Информацијата на социјалните мрежи ја сподели заменик-директорот на ЈП Национални шуми, Кире Михаилов.
Просечно во јули имало и триесетина пожари на ден.
-Со оглед на тоа дека пожарите почнаа активно да се појавуваат некаде после 10. јули, следствено на тоа излегува дека во просек дневно имало по над 30. пожари, бројки кои сами по себе фрапираат.
Ова не се обични бројки, ова се бројки кои сериозно треба сите да не замислат и загрижат.
Се надевам дека во периодот кој што претстои пред нас ќе броиме и нижиме убави работи, а не катастрофи какви што ни ги приредија пожарите со своите огромни размери.
Најважно од се, борбата која што изминативе деноноќија ја водевме на терен покажа дека Македонија може да се гордее со своите синови и ќерки, напиша тој на Фејсбук.
Фото: ЦУК