Во Годишниот извештај за минатата година, објавен преку Македонската берза, Комерцијална банка АД Скопје објави дел од примањата на членовите на Надзорниот одбор (НО), надвор од Банката.
ПОВРЗАНИ ВЕСТИ
Комерцијална не ги објави примањата на Фатмир Етеми, член на НО, кој купи 500 акции на Банката
Банката ги објави примањата на поранешната директорка на Европа АД Скопје, Сава Димитрова, која е независен член и претседател на НО, поранешниот професор и член на МАНУ, Таки Фити, кој е заменик претседател на НО и професорката Александра Максимовска-Стојкова, која исто така е независен член.
Примањата на останатите членови на НО, Ванчо Чифлиганец, управител на Адора Инженеринг ДООЕЛ, која е најголем акционер во Банката, Фатмир Етеми, сопственикот на ЗСФ КОМ ДООЕЛ, Сашо Наумоски, главен извршен директор на Витаминка АД Прилеп и Горан Антевски, управителот на Раде Кончар ТЕП не се објавени и од Банката за нив посочуваат на годишните извештаи на компаниите кои ги поседуваат или управуваат.
ПОВРЗАНИ ВЕСТИ
Кој е најголем акционер во Комерцијална банка
-Членовите Сава Димитрова и Александра Максимовска Стојкова се независни членови на Одборот. При изборот на независните членови во целост се испочитувани критериумите за независност утврдени со Законот за банките.
Независните членови и со нив поврзаните физички лица, не се вработени, ниту се лица со посебни права и одговорности во Банката, не се акционери со квалификувано учество во Банката, ниту застапуваат акционер со квалификувано учество во Банката, не работат, односно во последните три години не работеле во друштво за ревизија кое во тој период вршело ревизија на работењето на Банката и во последните три години немале материјален интерес или деловен однос со Банката во вредност која просечно надминува 3.000.000 денари, велат од Банката.
ПОВРЗАНИ ВЕСТИ
Пред исплатата на дивиденда, Фатмир Етеми, член на НО на Комерцијална купи 500 акции во Банката
Комерцијална банка ќе дели дивиденда од 910 денари бруто по акција
Кој сè од Управниот и Надзорниот одбор на Комерцијална купи акции на Банката