Лице од Скопје на 65-годишна возраст е деветта жртва од сезонски грип оваа сезона.
Истото е регистрирано во извештајот на Институтот за јавно здравје за состојбата со грип за минатата недела.
Лицето било хоспитализирано на Клиниката за пулмологија и алергологија и кај него е утврдено присуство на коморбидитети – кардиоваскуларни, белодробни. Не било вакцинирано со вакцина против сезонски грип.
Од починатите од грип, четири лица се од Скопје и по едно лице од Куманово, Неготино, Гостивар, Демир Хисар и Штип.
Пет од нив се од возрасната група од 15 до 64 години и четири од возрасната група над 65 години.
Сите биле хоспитализирани, со коморбидитети и невакцинирани против сезонски грип.
Минатата недела бројот на заболени од грип изнесувал 1.875 случаи, што е за 13,4 отсто повеќе во споредба со претходната недела.
Минатата недела е регистриран и еден смртен случај со коморбидитети од САРИ во ГОБ „8 Септември“. Починатото лице е на возраст над 65 години, од Скопје.
Фото: МЗ