Министерот за правда Игор Филков соопшти дека ги потпишал барањата за екстрадиција на Алил Демири и Африм Исмаиловиќ, двајцата доживотно осудени за случајот „Монструм“ за петкратното убиство кај Смилковското езеро.
Барањата се веќе доставени до Министерството за правда на Косово и се чека одговор од нивна страна.
„Последен пат, екстрадиција била побарана во 2018 година. На ова и претходеле барања до Република Косово за овие екстрадиции во повеќе наврати, но сите биле одбиени.
На 08.10.2021 година добиено е известување од Министерството за правда на Косово дека екстрадицијата за Исмаиловиќ се одбива, а за Демири нема одговор.
Во постапките, се што е побарано од косовските власти веќе е доставено. После шест години повторно се бара нивна екстрадиција,“ се вели во соопштението на Министерство за правда.
Фото: Unsplash