По 37 години брак, 61-годишна жена од Скопје и 65-годишен маж за првпат станаа родители. Тие го добија синот Петар.
Детали за овој убав и несекојдневен настан денеска соопшти директорката на Клиниката за гинекологија и акушерство (ГАК), Ирена Алексиоска Папестиев.
Петар е роден со тежина од два килограми и 350 грама и должина од 48 сантиметри, а жената останала бремена со ин витро третман извршен во земјава со сопствена јајце-клетка која била замрзната.
Породувањето било извршено со царски рез во 36. гестациска недела.
Мајката имала десет неуспешни ин-витро оплодувања и десет спонтано абортуси. Имала и три претходни гинеколошки интервенции од кои две во Белград, а една на ГАК во Скопје.
Во текот на бременоста која била контролирана, имала висок притисок и дијабетес, но на крајот сѐ поминало во најдобар ред.
Петар и мајка му денеска се пуштени дома. Таткото, кој е во пензија, рекол дека тој ќе се грижи за бебето.
ПОВРЗАНИ ВЕСТИ
На Клиниката за гинекологија 61-годишна жена го роди своето прво бебе, зачнато ин витро
Фото: МЗ