Адвокатот на обвинетиот Александар Ѓорчевски, татко на убиената Вања Ѓорчевска, Владимир Туфегџиќ, денеска најави постапка за тортура врз неговиот клиент.
-Во оваа фаза на постапката се откажавме да се изведе како доказ медицинската документација за извршени прегледи кај мојот клиент Александар Ѓорчевски. Тие докази се неспорни и се составни од кривичниот предмет во претходната постапка, така што, во тој дел немаме ништо спорно.
И со тој дел ќе ја насочиме постапката за тортура, пред надлежното јавно обвинителство, кога ќе дојде време за таа работа, изјави тој.
Тој исто така по завршувањето на денешното рочиште посочи дека мајката на Ѓорчевска, а не нејзиниот татко прва изразила сомнеж дека е киднапирана.
– Во таа насока, со тоа докажуваме дека на Александар не може да му се става на товар дека тој е првиот што се посомневал дека детето е киднапирано. Тоа било општ впечаток во семејството, имало различни размислувања и стравувања во таа насока, што е многу природно во таква состојба, рече Туфегџиќ.
ПОВРЗАНИ ВЕСТИ
Член на Десна сведочеше дека за време на убиството на Вања се допишувал со Палевски